የአፍሪካ የዲፕሎማሲ ማዕከል

 የአፍሪካ አንድነት ድርጅት መሥራች እንደመሆኗ መጠን እ.ኤ.አ በ1963 ኢትዮጽያ ለአፍሪካ አንድነት ድርጅት አላማዎች መሳካት ታግላለች፡፡ በቅኝ ግዛት ወቅት የአፍሪካ ሀገራት ነፃነታቸውን እንዲያገኙ በድብቅም ሆነ በገሀድ ታግላለች፡፡ ባለፉት የኢትዮጵያ መንግስታት ከዚህ በፊት የነበረው ሀገራዊ ፓሊሲ ውጤታማ ባልሆነ ግዜ እንኳ ለአፍሪካ ተይዘው የነበሩት ፓሊሲዎችና ተግባራት የላቁ ነበሩ፡፡ ሀገሪቷ አህጉራዊ ሀላፊነቱን እንድትወጣና በምላሹም አፍሪካዊ ወንድሞችንና እህቶች ክብርን አስገኝቶላታል፡፡

ኢትዮጵያ ብቻዋን በነበረችበት ግዜ እንኳ የአፍሪካንና የአፍሪካውያንና ጉዳይ በሚያወላዳ መልኩ አጠንክራ የያዘች ሀገር ነበረች፡፡ የኢትዮጵያ መሪዎች ከአፍሪካዊ ሀላፊነታቸው ራሳቸውን ገሸሽ ያደረጉበት የታሪክ አጋጣሚ የለም፡፡ኢትዮጵያ የአፍሪካን ፓለቲካዊም ሆነ ዲፕሎማሲያዊ ድጋፍ ፈልጋ የተነፈገችበት ግዜም የለም፡፡

የአፍሪካ አንድነት ድርጅትን ለጥቆ የተመሠረተው የአፍሪካ ህብረት መቀመጫ ኢትዮፕያ ናት፡፡ ይህ ማለት የውጭ ጉዳይና የብሄራዊ ደህንነት ፓሊሲ እና ስትራቴጂ እንደሚጠቅመው ኢትዮጵያ የህብረቱን ልዩ ሀላፊነት ተሸክማለች፡፡ በርግጥም ኢትዮጵያ የአፍሪካ ህብረት ያለውን የተሳሰረች፣ የበለፀገችና ሠላማዊ ብሎም ከግዜው ጋር የሚለዋወጥ ሀያልን በአለም አቀፍ መድረክ እንድታቀርብና እንድትወክል ያለውን ራዕይ ትደግፋለች፡፡

ይህንን አፍሪካዊ ራዕይ ለማሳካት ኢትዮጵያ ግንባር ቀደም ተሣታፊ ከመሆኗም ባሻገር አፍሪካን ለዘመናት ቁም ስቅሏን ሲያሳያት የነበሩትን ዘርፈ ብዙ ችግሮችን ከመፍታት ጥረቷ ዞር እንኳ ብላ አታውቅም፡፡

እያደገች ያለች የአፍሪካ የብዙ ቋንቋና ባህል ማዕከል

አዲስ አበባ የኢትዮጵያ ዋና ከተማ ዛፎች መሀል ለመሀል የተደረደሩባቸው ሰፋፊ መንገዶች፣ ድንቅ የስነ-ህንፃ ጥበቧ፣ ተስማሚ የአየር ሁኔታና አውራጎዳናዎቿን በሰልፍ የሚጓዙበት የአህያ ጋሪዎች አዲስ አበባን ለጉብኝት ተመራጭ ያደርጋታል፡፡

አዲስ አበባ መዲናችን በልዩነት፣ በግርምትና በብዛህነት የተሞላች ከተማ ናት፡፡ የባህር ዛፎች፣ ነፋሻማ አየር፣ ንፁህ የተራራ አየር አዲስ አበባን በከፍታ ቦታዎች ተስማሚ የአየር ንብረት አድሏታል፡፡ ምቹ የኤስፔሬሶና ቡና ቤቶች፣ ኬክ ቤቶቿ ሮምን ሜዴቴሬንያንና የደጂ ለይ ገበያዎቿ ደግሞ ባህላዊ ኑሮን የሚያሳዩ ደማቅ ምስል ናቸው፡፡ ህዝቦቿ፣ ከየሙዚቃ ቤቶች ካፌዎችና ሱቆች የሚወጣው ድምጽ፣ የጣፍጭ ምግቦች የቡና ሽታ፣ እጦን ሲጨከለየት ያለ ኢትዮጵያዊ እንዲሁም ቅልቅል ማዕዛ አለው፡፡

አዲስ አበባ እንደማንኛውም የዓለም ከተማ ሁሉ የተለያዩ የባህል የአለመካከት የኋላ ታሪክ ያላቸው ህዝቦች ያሉበት ትልቅ ከተማ ናት፡፡ እናም ስነ-ህንፃዋም እንደ ከተማው ሁሉ ብዛህነት የሚታይበት ነው፡፡ ረጃጅም ኦፊሴላዊ ህንፃዎች፣ ግርማ ሞገስ ያላቸው ሺላዎች፣ ለተለያዩ ዓለማዎች የተሠሩ ቤቶች፣ ሰርቪስ ቤቶች፣ ዘመናዊ ሆቴሎች፣ የስብስባ አደራሾች እና በዕምነ-በረድ አሉሚኒያም ያጌጡ ትያትር ቤቶች፣ እንዲሁም ትኩረት የሚሹ የሚመስሉ ባህላዊ የጫቃ ቤቶች፣ በከብቶች፣ በፍየሎች፣ በበጎች በዶሮዎች ተከበው ይገኛሉ፡፡

በአዲስ አበባ መሀል ከተማ ተብሎ በውል የተቀመጠ ቦታ የለም ምክኒያቱም እስከ ቅርብ ግዜ ድረስ የከተማ ፕላን አልነበረም አዲስ አበባ በተፈጥሯዊና ጤናማ ዕድገት ነው ያደገችው እናም አሁን የሚታየው ገጽታዋ ሰው ሰራሽ ዕድገት ወይም ለውጥ እንዳልነበራት ያሳያል፡፡ ከፍታው እየጨመረ ከሚመጣው ገጠር ከ2300 እስከ 2500 ሜትር ከፍታ ላይ ከተመሰረተች አንድ ክፍለ ዘመን የበለጠ ጊዜ ያልሆናት አዲስ አበባ የኢትዮጵያ ትልቋ ከተማ በሚያስደምም ሁኔታ አድጋለች፡፡

Pages: 1  2